Sunday, May 15, 2011

मेंदीच्या पानांवर...



मेंदीच्या पानांवर मन अजून झुलते ग
जाईच्या पाकळ्यांस दव अजून सलते ग

झुळझुळतो अंगणात तोच गार वारा ग
हुळहुळतो तुळशीचा अजुन देह सारा ग

लदबदल्या आवळीस अजुन तीच घाई ग
चिमणीच्या दातांची चव अवीट बाई ग

अजुन तुझे हळदीचे अंग अंग पिवळे ग
अजुन तुझ्या डोळ्यांतिल मोठेपण कवळे ग

आज कसे आठवले बघ तुलाच भलते ग
मेंदीच्या पानांवर मन अजून झुलते ग

गीत - सुरेश भट
संगीत - पं. हृदयनाथ मंगेशकर
स्वर - लता मंगेशकर

No comments:

Post a Comment