गणराज रंगी नाचतो, नाचतो,
पायी घागर्या, करिती रुणझुणु,
नाद स्वर्गी पोचतो ||धृ||
कटी पीतांबर कसून भरजरी,
बाल गजानन नर्तनास करी,
तुंदिल तनु, तरी चपल साजिरी,
लावण्ये साजतो ||१||
नारद तुंबरू, करिती गायन,
करी शारदा, वीणावादन,
ब्रह्मा धरितो, तालही रंगुन,
मृदुंग धीमि वाजतो ||२||
देवसभा घनदाट बैसली,
नॄत्यगायने मने हर्षली,
गौरीसंगे स्वये सदाशिव,
शिशुकौतुक पाह्तो ||३||
गीत : शांता शेळके.
संगीत : हृदयनाथ मंगेशकर.
गायिका :लता मंगेशकर.
No comments:
Post a Comment